KMS компаниясы -бұл сіздің КТ, МРТ, ПЭТ/КТ жүйелеріңізге және басқа медициналық радиология жүйелеріне жеке қызметтер ұсынатын алғашқы тәуелсіз қызмет көрсету компаниясы. Жабдық өндірушілермен салыстырғанда, біз экономикалық тиімді және икемді қызметтер ұсынамыз, жабдық өндірушілерді әдетте бұл тұрғыдан икемді деуге келмейді. Біздің команда кәсіби инженерлерден тұрады және әрқашан сіздің құзырыңызға дайын.

Инженерлік сарапшылар тобының сервистік және техникалық қызмет көрсету саласындағы мол тәжірибесі бізге ірі МРТ жеткізушілерінің жабдықтарына қызмет көрсету қызметтерін ұсынуға мүмкіндік береді. Біз клиенттеріміздің алаңды жоспарлау, жобаны іске асыру, орнату, кеңес беру, сұйық гелий жеткізу және тасымалдау сияқты барлық қажеттіліктерін қанағаттандыруға әзірміз

Компанияның бас қоймасында қосалқы бөлшектердің мол қоры сақтаулы тұрғандықтан, KMS сіздің қосалқы бөлшектер жеткізуге қатысты кез-келген сұранысыңызды орындайды. Сіз өз жабдықтарыңыздың бөлшектерін қысқа мерзімде және қолжетімді шарттармен ауыстыруды бізге сеніп тапсыра аласыз. Шетелден әкелінетін тетіктерге келетін болсақ, әлемнің жетекші жеткізушілерімен арадағы біздің арнайы келісімдеріміз сіздің қажеттіліктеріңізді қолайлы бағамен қанағаттандыруға мүмкіндік береді

МРТ-жүйелер аса өткізгіш магнит көмегімен өте үлкен магнит өрісін түзеді. Бұл аса өткізгіш магнит  температурасы -269,1°C шамасындағы сұйық гелийге батырылған көптеген шарықтардан тұрады. Магниттерді төмен температураға дейін суыту процесі магнитті салқындату деп аталады.

Магниттерді салқындату тәсілі магниттің, материалдың және ішкі бетінің массасын есепке алғаннан кейін анықталады. Егер бүкіл процесс барысында дәлсіздік орын алғаны анықталса, сұйық гелийдің шамадан тыс жұмсалуына немесе тіпті магниттің зақымдалуына әкелетін бұзылу туындауы мүмкін.

Вакуумдау процесі магнитті салқындату процесімен тығыз байланысты. Сондықтан -269,1°С температурасын ұстап тұру үшін вакуум қолданылады. Мұндай жағдайларда білікті жұмыс күшін тарту және вакуумдау үшін дұрыс жабдықты пайдалану қажет.

20 жылдық практикалық тәжірибеден басқа біздің қызметкерлер магниттік модельдердің барлық түрлерінде тәжірибе арқылы теориялық білім мен дағдыларды меңгерді. Магнитті салқындату және онымен байланысты мәселелер сарапшысы ретінде KMS әлемдегі үздік компаниялардың бірі болып табылады. Біз магниттің барлық маркалары мен модельдері үшін салқындату және вакуумдау қызметтерінің толық топтамасын қамтамасыз ете аламыз.

KMS компаниясы МРТ аппаратын ауданы 1000 шаршы метрлік қоймада тоңазытқыш қондырғыларында немесе жылытылатын жағдайларда сақтау қызметін ұсынады. Салқындатылған магниттер 24 сағат бойы бақыланады. Температура мен ылғалдылықты есепке алу үшін күнделікті тексерулер жүргізіледі.

• МРТ аппаратын суықта сақтау жағдайларын қамтамасыз ету (гелиймен үздіксіз салқындату арқылы), сондай-ақ орнатпас бұрын жабдықтың қауіпсіздігін қамтамасыз ету үшін ол жылытылатын ортада сақталады
• КТ-сканерлер сондай-ақ толықтай қорғалған ортада сақталады

Ауыстыру, орнынан қозғау немесе сату жоспарланған құрылғыларды сақтау үшін сізге уақытша орын қажет болуы мүмкін. Сіздің құрылғыларыңызды ең қолайлы жағдайда сақтау үшін жеке жасақталған сақтау қызметтерін ұсынамыз және оларды сізге ыңғайлы кез-келген уақытта ұсына аламыз.